KIRMANCKÎ

Yalova do wayîrê ked û rayan bivejîya

Dem : 22 Pûşper 2018 În

Partîya Demokratîke ya Şaran (HDP) bajarê Yalova de xebata weçînayîşî dewam kena. Prosesê verênan de bajarê Yalova ra 2 parlementerî şîbî meclis û nika xo amede kena ke no weçînayîşî de 3 parlementeran bierşawa meclisî. Şarê Yalova qerardaro ke 3 parlementeran ra 1 parlementerê HDPyî bierşawa meclisî. HDP no çarçewe de xebatan domneno û muhîmî dano pawitişê sindoqan.

Babete ser o Hemserekê HDPyî yê Yalova Yuksel Akin û endamê Komîsyonê Weçînayîşî yê HDPyî yê Yalova Veysel Demîrkayayî qisey kerdî û bale antî muhîmîya pawitişê sindoqan.

Akinî destpêkê qiseykerdişê xo de wina va: “Bajarê Yalova de xebata weçînayîşî bi coş û rengin dewam kena. Şarê Yalova seba cuyeka newe û bedilnayîşan amade ya. Ma tax bi taxe gêrenî û zanayîş danî weçînitîxan. Şar wano ‘Ma rê qala xo mekerên. Xora ma rayan danî şima.’ Ma kesê ke bêqerarî zî îqna kenî.”

Ma amadekarîya dizekan kenî

Demîrkayayî qiseykerdişê xo de ard ziwan ke xebata înan ya muşahîdî û wezîfedarîya sindoqan qedîya ya û wina dewam kerd: “Îqtîdar musayo rayanê sewbîna partîyan bidizo. Êdî prosesê pisîngî ke bikewî trafoyan nîyo. Ma amadekarîya dizekan kenî. Ma seba rijnayîşê barajan amade yî. Ma veng danê heme kesan ke wayîrê rayan û sindoqan bivejîyî.” YALOVA

Albuma Nûçeyê