KIRMANCKÎ

Welatîyê ereb: Rayan bidêne HDPyî

Dem : 21 Pûşper 2018 Pêncşem

Weçînayîşê 24ê Hezîrane rê 5 rojî mendî û Partîya Demokratîke ya Şaran (HDP) lez daya xebatanê xo. Nê cayan ra yewe zî bajarê Sêrtî yo. Sêrtî de badê kurdan tewr zêde erebî estî. Wextêko dergo ke bajarê Sêrtî de kurd û erebî pîya cuyenî û heme xebatan pîya meşnenî. Xebata weçînayîşê 24ê Hezîrane zî bi ortaxîya kurd û ereban yena kerdiş. Nê kesan ra yew zî Kamuran Kalkanî yo.

Hemwelatîyo ereb Kamuran Kalkanî qiseykerdişê xo de wina va: “Îqtîdar bi rayirê çapemenî HDPyî îllegalîze keno û cok ra komel bi tersan nizdîyê HDPyî beno. Wexto ke mi HDPyî de ca girewt, hayîya mi bi nasnameyê mi virazîya. HDPyî de cîyayêya ereb, tirk û kurdan yewbînan ra çin o. Ma vera Komarê Tirkîya û beyraqa aye de nîyî. Ma tena sîstemê welatî nêwazenî. Ma vera polîtîkayê şaşî de yî. AKP seba ereban çîyêk daxî nêkerdo û mudaxalekerdişê Sûrîye şaş o. Tirkîya nêeşekena problemanê mîyanê xo çareser bikera. Heta ke çareserî nêba, Tirkîya  nêeşkena çîyêk bikera. Eke sucê Demîrtaşî bibayêne do namzedîyê ci nêameyêne qebulekrdiş.” SÊRT

Albuma Nûçeyê