KIRMANCKÎ

Weçînayîş bawerîya sîstemî şikit

Dem : 01 Tîrmeh 2018 Yekşem

Taybet îlankerdişê rewşa OHALî ra nata vera HDP û heme muxalîfan de hêriş û tedayî zêde bîyî. Partîya Demokratîke ya Şaran (HDP), namzedê partî û şar bin hende hêriş û tedayan de amadekarîya weçînayîşî kerdî û şîyî sindoqan ser.

Netîceyê weçînayîşî de şar îradeya xo nîşan da û 67 parlementeranê HDPyî erşawit meclisê Tirkîya. Nê parlementeran ra yewe zî Îdîl Ugurluya ke bajarê Îzmîrî ra ameye weçînayîş a.

Babete ser o parlementera HDPyî ya Îzmîrî Îdîl Ugurluye qisey kerde û dîyar kerde ke weçînayîşê 24ê Hezîrane karkerê ke bi Qerarnameyê Hukmê Qanunî (KHK) karê xo ra ameyî eştişî rê bî omid.

Îdîl Ugurluye qiseykerdişê xo de wina va: “Ez bawer kena ke do îxracê newe bivirazîyî. Ganî ma verê c ura hîna zêde têkoşîn bikerî. Weçînayîş bi hawayo adîlane nêvirazîya. Ma binê şert û mercê OHALî de şîyî weçînayîş. Wezîfedarê sindoqan bi çekan mekteban ra ameyî vetiş û kesê ke rayan xebitnayî ameyî derbkerdiş. No weçînayîşî de xeylê îxlalê heqan cuwîyayî. Şewa weçînayîşî sebi no tablo vejîya meydan. Atmosferê warî verpayê netîceyê weçînayîşî bi.”

Ugurluye tewr peyîn wina qedênaye: “Ez bawer kena ke bawerîya şaran yena pawitiş. Badê netîceyê weçînayîşî hêvîya merdiman bi sîstemî amî şiktiş. Bi taybetî keyeyî vera perwerdeyî reaksîyon mojenenê ra.” ÎZMÎR

Albuma Nûçeyê