KIRMANCKÎ

Vayeya zerdan vera veyve nêvirazîyenî

Dem : 10 Tebax 2018 În

Vayeya qurê dowîzan zerdan zî vaye kena. Rewşa peyên yê pîyasaya zerdan de giramê zerdî 207.53 TLyî ra yena herînayîş û 209.00î ra yena rotiş. Zerdê çaryew 340.31 TLyî ra yeno herînayîş û 343.71î ra yeno rotiş. Nîm zerdî zî 680.63 TLyî yeno herînayîş û 687.43TLyî ra yeno rotiş. Zêrdê reşadî zî bi 1382.42 TLyî ra yenî herînayîş û 1384.42 TLyî ra yenî rotiş.

Babete ser o Serekê Federasyona Zêrdkar û Zînetan yê Başûrê Rojhelat û Anatoliyaya Rojhelat (GUNDOKFED) û Serekê Odeya Zêrdkar û Serafan yê Amedî (DÎKO) Mustafa Akkulî qisey kerd.

Dolar zerdan vaye kerd

Mustafa Akkulî qiseykerdişê xo de bale ant vayeya zerdan û wina va: “Rewşa welat û zerdan baş nîya. Vayeya dolarî zerdan zî vaye kerde. Kesê ke wazenê zerdan biherînî, nêeşkenî biherînî. Wexto ke zerdê xo roşenî zî fikiryenî. Vayeya zerdan vera merdimî nêewtanenê veyve bivirazî. Keyeyî veyleyan taloq kenî. Kesê ke mecbur manenê veyve bivirazî zî zerdan kîra kenî. Verê cû talebê akerdişê dikanê zerdan zêde bî, la nika kesêk muracatê ma nêkeno.” AMED

Albuma Nûçeyê