KIRMANCKÎ

Tewrbîyayîşê Festîvala Mazlum Doganî

Dem : 09 Tîrmeh 2018 Duşem

Kongreya Komelê Demokratîke ya Kurdistanî ya Ewropa (KCDK-E) îzehetêk nuştekî daye weşênayîş û dîyar kerde ke Erdogano dîktator polîtîkayê xo yê şero lêşin Vakur, Rojawan û Başûrê Kurdistanî de giran keno. Dewamê îzehetî de bale ancîya polîtîkayê blokê faşîst yê AKP-MHPyî ser û KCDK-E daye zanayîş ke festîvala Mazlum Doganî yena viraştiş.

KCDK-Eye dewamê îzehetê xo de wina vato: “Ma merheleya berzî de bi siloganê ‘Sere wedarn’ tewrê festîvale benî. Erdogan dîktator o û Kurdistanî de şero lêşin meşneno. Tecrîdo ke Rayberê Şarê Kurdî Abdullah Ocalanî ser o yeno domnayene ameyo şidênayîş û raybazê şerê lêşin yê cîya-cîyayan heme kurdistanijan ser de meşneno. Dewleta tirkî ya dagirker vera têkoşînê azadî û şarê Kurdistanî de xitimîyaya û wazena konseptê şerê topyekun qezenc bikero.”

Festîvala Mazlum Doganî

KCDK-Eye dewamê îzehetê xo de qala xoverdayîşê topyekun û 21. Festîvala Mazlum Doganî kerde û wina va: “Ma do bi xoverdayîşê toyekun vernîya polîtîkayê qetlîaman yê dewlete bigîrî. Ganî ma prosesêko winasî yê tarîxî de yewîya xo awan bikerî û rêxistinbîyayîşê xo xurt bikerî. Ma do bi moral û motîvasyonek berzî de têkoşînê xo berz bikerî. 14ê Temmuze de 21. Festîvala Mazlum Doganî pê yena. Wezîfeyêk tarîxî keweno milê ma ser û ganî ma tewrê festîvale bibî. Ma veg danê heme meclis û xebatkaran ke 14ê Temmuze de tewrê festîvale bibî.” BRUKSEL

Albuma Nûçeyê