KIRMANCKÎ

Tecrîd komelî hedef gêno

Dem : 09 Sermawez 2018 În

Bi hemkarîya hêzanê mîyanneteweyî 15ê Sibata 1999î de Rayberê PKKyî Abdullah Ocalanî ardî Tirkîya û berdî Zindanê Tîpa F yê Asayîşê Berz yê Girawa Îmrali. Aye roje ra nata Abdullah Ocalan binê tecrîdêko girankerde yo.

Rayberê Şarê Kurd Abdullan Ocalan 27ê temmuza 2011î ra nata nêşêno avûkatanê xo reyde, 11 êlula 2016î ra nata zî nêşêno keyeyê xo reyde pêvînayîş bikero. Tewr peynî 11ê êlula 2016î de birayê xo Mehmet Ocalanî reyde pêvînayîş kerdbî. Heme muracatê xwêvînayîşî bi mehneya ‘koster xeripîya yo’, ‘keştî yena viraştiş’, ‘muxalefetê hewa’, ‘OHAL’ û sewbîna yenê redkerdiş.

Derheqê babete de Hemsereka Partîya Demokratîke ya Şaran (HDP) ya Sûrî Sevîn Coşkune qisey kerde û daye zanayene ke tecrîd vera huqûqê dinya yo û ê cuya Abdullah Ocalanî ra etirîyenî.

Coşkune arde ziwan ke Abdullah Ocalan rayberê têkoşînî yê azadîya cinîyan o no semed ra zî tecrîd tewr zêde cinîyan eleqedar keno û va: “Ganî cinî seba peynîkerdişê tecrîdî xo rêxistin bikerê û têkoşîn bidî. Tecrîdo girankerde sînoran derbaz kerdo. Tecrîd esasê xo de komelî hedef gêno. Wazenê têkilîya Ocalanî komelî reyde bibirnî.” AMED

Albuma Nûçeyê