KIRMANCKÎ

Seba weçînitoxê HDPyî veng

Dem : 12 Pûşper 2018 Sêşem

Namzedê Partîya Demokratîke ya Şaran (HDP) yê Stenbolî Zeynel Ozeno ke endamê Konfederasyonê Yewîya Elewîyan yê Ewropa (AABK) û awankarê Yol TVyî yo qiseykerdişê xo de dîyar kerd ke partîya ke Stenbolî bigîro do Tirkîya bigîro. Ozeno qiseykerdişê xo de qala hedefê xo kerd û va ‘teberê welatî de ma 300 hezar rayan hedef kenî û cok ra ganî heme kesî rayanê xo bixebitnî.’

Namzedê HDPyî yê Stenbolî Zeynel Ozeno ke eslê xo ra elewî yo û mamosteyo qiseykerdişê xo de wina va: “Ez derbeya 12ê Êlule de ameya tewqîfkerdiş û 7 serrî zindanî de menda. Tena serê xo rizgarî mumkun nîyo. Ganî heme bindestî bêrî têhet û serkewte bibî. Çîyo ke ma qala ci kenî projeyê HDPyî de esto. Ma 2015î de HDPyî reyde îtîfak viraşt û aye roje ra nata têkilîya ma dewam kena. Seba demokrasîya Tirkîya ganî HDP barajî derbas bikero.”

Ozenî qiseykerdişê xo yê peyênan de zî wina va: “No weçînayîş seba heme kesanz af muhîm o. Taybetî ze seba elewîyan. Heqê cuye yê heme kesan esto. Labelê heqê cuya elewşyan tehluke de yo. Ganî elewîyî na rewşe baş bivînî. No weçînayîş beno ke weçînayîşê peyên yê tarîxê Tirkîya bibo. Cok ra ganî ma HDPyî reyde bibî. Rayê teberê welatî xeylê muhîm î. Ganî heme weçînitoxî rayanê xo bixebitnî.” STENBOL

Albuma Nûçeyê