KIRMANCKÎ

Seba Taşdemîre kampanyaya îmzeeştişî

Dem : 12 Tîrmeh 2018 Pêncşem

4ê temmuze de kelepçe ginayî destê aktîvîsta kurd Gulîzar Taşdemîre û hetê Norveçî ra teslîmê Tirkîya amey kerdişe. Her çend ke Tirkîya de îxlalê heqê merdiman û hepsîyan ser de muameleyê xirabî bibî zî Norveç Taşdemîre teslîmê Tirkîya kerd. Badê teslîmkerdişê Taşdemîre çalakî dîyayî dest pêkerdiş û reaksîyonî ameyî nawitiş. Sere de Almanya, Belçîka, Hollanda û Fransa de çalakîyê protestokerdişî virazîyayî. Çalakgerî kişta konsolosaneyan de dest bi çalakîyan kerdî.

Avûkatê Taşdemîre yê Osloyî zî têkoşînê huqûqî dano. Koma ke seba piştîdayîşê Taşdemîre amey awankerdiş dest bi kampanyaya îmzeeştişî kerde. Koma ke dest bi kampanyaye kerde waşte ke Taşdemîre serbest bêra veradayîş û teslîmê Norveçî bêra kerdiş. Kome pêroyê komeleyê mîyanneteweyî ra piştî waşte û venge daye heme kesan ke piştî bidî kampanyaya înane.

Kampanyaya îmzeeştişî na adresî ser de ya:

Sign the Petition

Utlendingsnemnda: Justice for Gulizer Tastemir

Change.org

Babete ser o Avûkatê Gulîzar Taşdemîre Jan M. Bîrkelandî qisey kerd û wina va: “Her çend ke Tirkîya de qerarê tepiştişê Taşdemîre bibo zî Norveç aye teslîmê Tirkîya kerd. Na rewşe nîşan dana ke huqûqê welat û mîyanneteweyî ameyî rijnayîşe. No qerarêk ecibin o û siyasî yo. Heta nika 3 dozî ameyî akerdiş û dewam kenî. Hukmatê Norveç cuya Tademîre ra berpirsîyar o.” BRUKSEL

Albuma Nûçeyê