KIRMANCKÎ

Seba ke ma reyna biagêrî herra xo…

Dem : 01 Pûşper 2018 În

Badê operasyonê Artêşa Tirkî (TSK) û komê OSOyî deshezaran hemwelatîyî Efrînî ra koçê Kantonê Şehba kerdî. Deshezaran efrinijê ke Kampa Xoverdayîşî ya qezaya Fafîn û kampa Serdem ya qezaya Ehresî de bi ca bîyî paweyê roja agêrayîşî yî. Babete ser o cinîyê Dewa Kefersefirî yê Cindirêsê bajarê Efrînî qisey kerdî û dîyar kerdî ke seba agêrayîşî do têkoşîn bidî.

Cinîyan ra Esmehan Cafer û Xedîc Resuloye qiseykerdişê xo de wina vatî: “Ma xo bi fikrê Rayber Apoyî rêxistin kenî û vera hêrişê dagirkeran de vindenî. Xoverdayîşê Seserre de cinîyê kurd xover dayî û destûr nêdayî ke tu hêzî îradeya înan bişiknî. Ma vera heme wehşan de xover dayî û xo pawitî. Ma do têkoşînê xo dewam bikerî. Destpêkerdişê hêrişan ra nata ma dewa Kefersefirî pawitî û vera dişmenan de çong nêrona.”

‘Ma do heta peynî xover bidî’

Newroz Sîdoye zî wina va: “Ma vera tanq û topê dewleta tirkî de xover daye. Wextê dagirkerîya dewleta tirkî de ma bîyî şahidê qetilkerdişê doman û cinîyan. Bi hawayo wexşane hêrişê ma kerdî. dewleta tirkî sivîlan qetil kerde. Labelê kurd hêzê xo kerdî yew û têkoşîn dayî. Heta peynî do têkoşîn bêro meşnayîş.” EFRÎN

Albuma Nûçeyê