KIRMANCKÎ

Seba erjan raya xo bidêne HDPyî

Dem : 03 Pûşper 2018 Yekşem

Antîkapîtalîstan da zanayîş ke seba erjê çepgiran do rayan bidê HDPî. Xebatê weçînayîşî yê seba HDP û namzedê serekomarîyê Selahattîn Demîrtaşî dewam kenê. Endamê Platformê Antîkapîtalîstan ra Nuştox Melek Ulugay, Çagla Oflas û Avûkat Funda Ataye qala piştdayîşê xo yê seba HDPyî kerdî.

Nuştox Melek Ulugaye qiseykerdişê xo de va ‘rayanê xo bidê HDP û Selahattîn Demîrtaşî’ û wina dewam kerde: “HDP hetê azadîyan de aktorêko tewr muhîm ê Tirkîya yo. Tirkîya her hetan ra hetê azadîye paweno. Nê azadîbîyayîşê zî HDP eşkenê bi ca bîyarê. Ez raya xo dana rîyê roşinvîr û bi huyayîşê yê Demîrtaşî. Hewceyê no welatî bi kesê roşnvîran esto. Ez do zî raya xo bida înan.”

Oflase qiseykerdişê xo de daye zanayîş ke aye verê her çî seba aştî piştdayîş dana HDPyî û wina va: “Weçînayîşanê 7ê Hezîrana 2015î de vera HDPyî de şîdet û polîtîkayê çinkerdişî ameyî kerdiş û îradeya mîlyonan kesan çin amey hesibnayîş. Ez do weçînayîşî de raya xo bida HDPyî.”

Hende partîyan mîyan de

Avûkat Ataye zî qiseykerdişê xo de bale ante weçînayîşê 24ê Hezîrane ser û wina va: “Seba ke ez hîna zêde azadî wazena, ez do raya xo bida HDPyî. Seba hewa, tebîet, azadî, aştî û seyyewbînanîya şaran HDP. Heqê merdiman yenî çinkerdiş. Lazimîya Tirkîya bi azadîye esta û tena HDP eşkeno azadîye xurt bikero. Hende partîyan mîyan de fehmê çepgirî tena HDPyî de esto. Cok ra ez do raya xo bida Selahattîn Demîrtaşî.” STENBOL

Albuma Nûçeyê