KIRMANCKÎ

Seba aştî û demokrasî HDP

Dem : 18 Pûşper 2018 Duşem

Seke yeno zanayîş weçînayîşê 24ê Hezîrane ra tena çend rojê peyênî mendî. Heme partîyê siyasî lez dayî xebatanê xo û xebat resayî merheleya peyên. Sereka Pêroyî ya ANAPî ya kehen Nesrîn Nase qala rewşa Partîya Demokratîke ya Şaran (HDP), hesap û planê ke yenî kerdiş kerde.

Nase qiseykerdişê xo de wina va: “Partîya 3. ya meclisî HDP barajê se ra 10î reyde rî bi rî yo. Ez wazena ke çîyê ke serekkomar û îktîdar vanî vîr bîyara. Vanê ‘planê ma yê A, B, C, D esto.’ Pêroyê nê planan de hewl dîyeno ke HDPyî binê barajî de vera bidî. Rastîyê nê planan o yo. Eke HDP barajî derbas bikero do rewşa Tirkîya û meclisî cîya biba. Eke HDP binê barajî de bimano, badê weçînayîşî do Tirkîya de rewşêka cîya bivirazîya. Seba ke Tirkîya de aştî bêra pawitiş û demokrasî bêra awankerdiş, ganî HDP bajarî derbaz bikero.”

Nase qiseykerdişê xo yê peyênan de wina va: “Problemê barajî, tena problemê HDPyî nîyo. Vîşêrê HDPyî no problem problemê heme partîyê muxalîx û weçînitoxê ke peynîyê otorîterîyî bîyarî yo. Eke weçînitox û partîyê muxalîfî rastî zî demokrasîyêka zaf hetin biwazî, ganî sindoqan de qasê rayanê xo yê wayîrê rayanê HDPyî zî bivejî. Eke wina nêro kerdiş do demokrasî xeyalêk biba.” STENBOL

Albuma Nûçeyê