KIRMANCKÎ

Seba aştî û azadîya heme şaran HDP

Dem : 30 Avrêl 2018 Çarşem

Bajarê Mêrdînî de her weçînayîşî de tewr tay 4 parlamenterî yenê vetiş. Xebatê seba weçînayîşê 24ê Hezîrane zî dewam kenê. Mêrdîn de şar binê yew sîwane de yenê têhet û dewa Stewrî de têgêrayîşê pîlî yenê cuwîyayîş. Cinîyan dîyar kerdî ke rengê rayanê înan dîyar o.

Turkan Ertuka ke dewa Barmanî de cuwîyena wina vana: “Ma Kurd ê, ma raya xo danê xo. Ma heta nika zulm dî. Cinîyê ma ameyî qetilkerdiş. Kuçeyan dr ameyî kiştiş. Ma înan xo vîr ra nêkenê û ma çî bînan zî xo vîr ra nêkenê. Ma rastîyanê xo ra nêvejênê. Heta peynî ma do heqê xo bipawê. Ma pey dewaya xo yê.”

Adliye Aydine nê çî va: “Ma aştî û aramî wazenê. Wa hepsîyê zindanan bêrê veradayîş. Wa gonî nêrişîyo. Ma rayanê xo partîya xo. Çiqas asîmele bikerê zî ma do bondarê ziwanê îqtîdarî nêbî. Ma do rayanê xo nêroşê.”

Hacîre Karataşe zî û wina va: “Hepsîyê ke şenikîya xo de ameyî tewqîfkerdiş, nika pîlî bîyê. Ma rayanê xo nêdanê zîhnîyeto ke domanê ma girewtê. Wa kesêk daxî seba çuwalêke komir nêro verê berê ma.” Azîme Guneşe reaksîyon nawit û wina va: “Pêwa qirkerdiş û hesirê çiman xo vindî nêkerdo. Bi yew vatişê Rayberê PKKyî Abdullah Ocalanî Şarê Kurd seba aştî destê xo derg kerdî. Sebebê şer tecrîd o. Ma do bi rayanê xo tecrîdê serê rayberê xo bişiknê. Ma raya xo bidê îrade û nasnameyê xo.

Selamet Budake zî bajarokê Ewane ê Stewrî de hemverê ke rayanê xo bidê HDPî û heta peynî dilopê gonîya înan do xo ver bidê. Mevlude Budake zî da zanayîş ke aye cuyake bi rumet wazenê û va ganî heme cinî wayîrê îradeyê xo vejyê. Şukran Budake zî arde ziwan ke do seba ameyoxê domananê xo HDPî tercîh bikerê. MÊRDÎN

Albuma Nûçeyê