KIRMANCKÎ

Şarbon çi yo û merdim senî eşkeno xo bipawo?

Dem : 14 Îlon 2018 În

Bajarê Anqara de Roşanê Qurbanî ra ver hetê Dezgeyê Şit û Goştî ra 3 hezar 959 bizê ke Brezîlya ra amebî, ame rotiş. Dima ra herêmê cîya cîyayan yê Sîncanî de heywanî ameyî jehrî kewtî û 28ê tebaxe de 50 bizî şarbonî vera merdî. Ame zanayîş ke nêweşîya şarbonî heywanê îthalî de ameya dîyişe û herême de vila bîya. Nêweşî tewr peynî Stenbolî de amey dîyişe. Anqara, Sêwas û Bedlîsî de zî amey dîyiş. Îdarekarî dîyar kerdî ke îxbarê şarbonî tespît kerdî û pisporan zî dayî zanayîş ke do hedîseyê winasî zêde bibî. Endama Odeya Tabîban ya Anqara Doktor Gul Bakire derheqê nêweşîya şarbonî de qisey kerde û cewab daye persane.

Gul Bakire qiseykerdişê xo de wina va: “Nêweşîyêk zay kehen a. Heywanan ra derbazê merdiman bena. Merdiman ra zî derbazê merdiman bena. Nêweşîya heywanê ke vaşe wenî ya. Bi hêri rayiran derbazê emrdiman bena. Bi rayirê çerm, pişik û mîde-loqereyan derbaz bena. Se ra 90-95ê şarbonî çerm ra lez derbaz bena. Eke nêra dermankerdiş merdiman kişena. Teşhîsê şarbonê çermî lez yeno ronayîş. Çermê merdiman ser de sey pizrike yena dîyiş. Taybetîya nêweşî bêdejbîyayîşê aye ya. La teşhîsê şarbozê pişikî zehmetin o. Sey enfeksîyonê grîbal dest pêkeno. Ganî heywan bêrî aşîkerdiş û cayê şarbonî bêrî pakîkerdiş. Heywanê nêweş û merde bê destûrê veterîneran nêrî serebirnayîş û goştê îthalkerde zî bêrî kontrolkerdiş. ANQARA

Albuma Nûçeyê