KIRMANCKÎ

Rojnameger: Bedelê nuştişî 7 ber o

Dem : 01 Tîrmeh 2018 Yekşem

Taybet îlankerdişê rewşa OHALî ra nata hêrişê vera zindanan zêde bîyî û tewr zêde hepsîyê siyasî yenî mexdurkerdiş. Prosesê OHALî de xeylê TV, Radyo, Rojname û pêroyê medyaya muxalîfî ameyî hedefgirewtiş û xebatkarê înan ameyî tewqîfkerdiş. Îqtîdar hewl dano ke vengê heme muxalîfan bibirno û medya bigîro destê xo.

Edîtora rojnameyê Ozgurlukçu Demokrasîye Reyhan Haciogluye Zindanê Bakirkoyî yê Cinîyan ra mektubek eşrawite. Haciogluye mektuba xo de daye zanayîş ke helbet rojêk do heme raştî bivejîyî raste.

Haciogluye mektuba xo de wına vana: “Bedêlê nuştişê rastîyan û seba her kesî waştişê cuyake azad 7 berî yo. Korîdor, ber, ber, ber… Tam 7 berî mabêne ma de estê. Ma zanê, eke ma çinbê zî do heme çî bêro ziwan û yeno ziwan zî. Koxuşê ma de 30 cinîyî estî û bi umîdê 1 serre manenê. Vanê weşîkî do xelas bikero, la do cinî dinya xelas bikerê.”

Haciogluye dewamê mektubê xo de wina vana: “Ma rojnameger ê. Ça nêheqî bibo, ganî ma bîyarê ziwan. Rewşa hepsîyê nêweşan baş nîya. Seba ma rojî derbaz benê, la seba înan rojêk daxî muhîm a. Sîyasetmedarî vanê ‘efû’ la hepsîyê nêweş nînê vîrê tu kesî. Kesêk qala hepsîyê nêweşan nêkeno. Çira hepsîyî nînê vîrê sîyasetmedaran?”

Reyhane tewr peyîn seba heme rojnameger û Dayîkê Şeme rê selamê xo eşrawit. STENBOL

Albuma Nûçeyê