KIRMANCKÎ

Rayanê xo medê hetgiran

Dem : 05 Pûşper 2018 Sêşem

51 karkerê ke Fabrîkaya Sibaş Gidaye yê qezaya Soke yê Aydinî de xebitîyayêne bi mehneya endamîya sendîkaya Tekgida-Îşî 6ê Adara 2018î de karê xo ra ameyî eştiş. Nê karkeran ra yewe zî Meral Yildize ya. Yildize qala şertê xebate û prosesê sendîkayîbîyayîşî kerde.

Yildize qiseykerdişê xo de wina va: “Ma fabrîkaya ke tewr zêde tede cinîyî yenî xebitnayîş de rastê mobîng û heqaretî yenî. Ma her wext binê tehdidê vetişê karî de ameyêne tehditkerdiş. Vîşêrê rêxistinbîyayîşî tu çareyê ma çin bî. Ez sey postabaşi xebitîyayêne û 9 serrî sey karkera taşeron fabrîka de xebitîyaya. Xeylê cinîyê karkerî Akçakonakî de cuyayêne. Ez mîyanê 8 karkerê ke reya yewin ameyî vetişî de ya. ma roje de 10 saetî xebitîyayêne û hewte de tena rojêk ma nçşîyêne kar. Sereyê aşma sibate de ma Tekgida-îş de dest bi rêxistinbîyayîş kerd. 8ê Sibate de zî ma karî ra erzîya yî. ma muracatê mehkema kerd û doza ma dewam kena.”

Mobîng ameyêne kerdiş

Merale daye zanayîş ke nêzdîyê 50 endamê înan estbî û wina va: “Cinîyî goreyê camêrdan hetê berardişî de hîna xurt î. Berpirsîyarî cinîyan pelçiqnenê. Hetê patronan ra mobîng ameyêne kerdiş. Ma kaçax ameyêne xebitnayîş. Kesê ke nêameyêne karî rastê mobîngî ameyêne. Ma sendîka akerde. Ma do bi xoverdayîş qezenç bikerê û agêrê karê xo ser. Şertê tewr xirab de karkerê taşeron xebitîyenê. Sebebê vetişê ma sey makînebîyayîş ame mojnarayîş. La sebeb sendîkabîyayîş bî.Ganî heme kesî rayan bidî HDPyî. Ganî rayanê xo nêdê sewbîna partî û hetgirê patronanê AKPyî.” AYDIN

Albuma Nûçeyê