KIRMANCKÎ

Raşteyê şerî de daxî wina nîno kerdiş

Dem : 11 Kewçer 2018 Pêncşem

10ê Teşrîna Verêne ya 2015î de kişta Garê Anqara de qetlîyamêk amebî viraştene û netîceyê qetlîyamî de 105 kesî merdbî û bi seyan kesî zî birîndar bîbî. Badê teqayîşî polîsî hêriş pê ardbî û mudaxeleya gaz, nêameyîşê ambulans û destûr nêdayîşê şîyayîşê xebatkarê weşî vera xeylê birîndarî cayê hedîse de merdbî. Nînan ra yew zî endamê Tarim Orkam-Senî Mesut Makî yo. Babete ser o cinîya Makî Evrîm Make qisey kerde.

Evrîm Make qiseyekerdişê xo de qala aye roje kerde û wina va: “Mesut kurd bî. Ez zî tirk a. Tena waştişêk ma estbî. Ma aramîya merdiman waştêne. Her çiqas ke hedîse ra 3 serrî derbaz biba zî ma aye roje hema zî yena cuyayîş. Bombeyê gazî eştî birîndaran ser. Raşteyê şer de daxî no çî nîno kerdiş. Na rewşe ra dişmentî yena vatiş.”

Polîsî hêrişê birîndaran kerdî

Make tewr peynî wina va: “Polîsî nuqtayê cigêrayîşî de heqaretê çalakgeran kerdêne. Derheqê terdoxan de ti tehqîqat nêame akerdiş. La derheqê 9 keyeyan de tehqîqat akerdî. Na doze êdî sebebê cuya ma ya. Ma do vera heme çîyan de demokrasî bipawî. No 105 kesan rê deynê ma yo. Heta ke raştî nêro aşkerakerdiş do doze dewam bikera.” ÎZMÎR

Albuma Nûçeyê