EKOLOJÎ

Programê HDPyî de ekolojî esto

Dem : 09 Pûşper 2018 Şemî

Prosesê AKPyî de rijnayîş û îstîmlaqkerdişî serê xo girewto û şono. Cayê tarîxî û rindîya tebîetî benî qurbanê sermayegozaran û seba rantî xebitnenî. Babete ser o aktîvîsta ekolojî û heskerdoxê tebîetî qisey kerdî û reaksîyon nîşan dayî rijnayîşê tebîetî.


Aktîvîsta Ekolojî Sevtap Aydane daye zanayîş ke dewlete xoza kerda rant û wina va: “Îzmîr zî binê hêrişê nê polîtîkayan de yo. Cuya xozayî û merdimî binê tehdîdî de yê. Ganî lezgînî hêzê demokrasî, ekolojîst û heme kesî bêrê têhet û vera nê talanî de reaksîyon nîşan bidî.”
 Nuran Ogulbulane zî qiseykerdişê xo de bale ante ekolojî û rijnayîşê tebîetî ser û wina va: “Ma seba pawitişê warê cuyayîşî Platformê Pawitişê Dorme yê Îzmîrî de ca gênê. Daristanê bajar û çimeyê awe bi madeyanê kîmyewîyan yenê jehrkerdiş. Enerjîya nuklerî do zirarêko pîl bida teber. 24ê Hezîrane de partîya ke xoza pawena do serkewte biba. Ma do raya xo bidê partîya ke bernameyê aye de ekolojî esta.”
Ayşe Çetîna ke vera santralê jeotermal yê qezaya Efelerê Aydinî de yena awankerdiş de têkoşîn dana meşnayîş û dîyar kerde ke do raya xo bida kesê ke xoza pawenê û reaksîyon mojna rijnayîşê cayê cuye.


Yagmur Bulute zî wendekara lîseye ya û heskerdişê xoza qalî kerde û va ameyoxê ke weş wazenê û do seba nê zî heme çîyan bikera. ÎZMÎR

Albuma Nûçeyê