KIRMANCKÎ

Namzeda HDPyî Fatma Kurtulane

Dem : 02 Pûşper 2018 Şemî

Fatma Kurtulane HDPyî de rêza yewine Mêrsînî de bîye namzede. Kurtulane serra 1990î de HADEPî reyde dest bi sîyasetî kerde û nika zî HDPyî dewam kena. Kurtulane şahida derbeya 12ê Êlule û qirkerdişê Mereşî ya. Kurtulane ke wezîfeya xo merkezê pêroyî ya HDPyî de dewam kena, xebatê azadîya cinîyan de zî bi hewayêko aktîf rol gêna.

Kurtulane  qiseykerdişê xo de wina va: “Goreyê mi HDP yewin adresê kesê vera sîstemî yo. HDP seba şarê Tirkîya şansêko pîl o. HDP bi programê partîya xo temînatê rojê weşan o.” Kurtulane qiseykerdişê xo de bale ante koçberîyê netîceyê polîtîkayê şer de Mersîn de virazyayê ser û va 24ê Hezîrane de rewşa ke bikoyê Meclîs do vera polîtîkayê şer û koçberî xebatan bimeşnê.

Heto bîn ra Kurtulane bale ante serê tecrîdo giran yê serê Rayberê PKKyî Abdullah Ocalanî ser û qiseykerdişê xo wina qedênaye: "Tecrîdo serê Rayberê neteweya demokratîke Abdullah Ocalanî,  esasê xo de şexsê Abdullah Ocalanî de ser heme şaran de yeno kerdiş. Seba ke na rewşe peynî bibo, ma do binê sîwana HDPyî de têkoşîn bikerê.” MERSÎN

Albuma Nûçeyê