KIRMANCKÎ

MÎT wazeno Minbicî têmîyan bikero

Dem : 09 Pûşper 2018 Şemî

Dewleta tirkî bi rayirê îstîxbarat, ajankerdiş û kontrayan hewl dana ke Minbicî de têmîyanî biviraza. Dewleta tirkî bi destê çeteyê verê cu yê DAIŞ û OSOyî mîyanê Minbicî de karê sîxurî û kontratî kena.

Goreyê xeberê çimeyan yê ke herême ra ameyî, dewleta tirkî hûmara çimeyanê xo yê dormeyê Minbicî û sîxurê xo yê dewan zêde kena. Nizdîyê 400 dolar pereyan dana sîxuran. Goreyê zanayîşê ke kewtî ma dest dewleta tirkî herêmanê nizdîyê Minbicî de kapman virazena û na rewşe bi beyreqa OSOyî nimînena.

Dewleta tirkî ya dagirker seba xeberê taybetan bajarî ra bigîra, 2 kîlometre dûrê dewa Mihsenli ya vakurê Minbicî de odeya çimekerdiş û çalakîyan akerda. Çeteyê tirkî 3ê Gulane de hêrişê dewa ihsenli ya Minbicî kerde û hêrişê înan amebî şiknayîş. Sewbîna hete de zî Til Tihînî yê nizdîyê Qibesînî yê Babî de qerargahê leşkerî yê dewleta tirkî esto û sey odeya îstîxbaratî vera Minbicî de yeno xebitnayîş.
Karê kontrakerdişî bi hawayo koordîne hetê dewleta tirkî ra yeno kerdiş û hetê nê 2 odeyan ra yenî îdarekerdiş. Nê kontrayan vera Minbicî de xebitnenî. Karê kontrakerdişî hetê dewleta tirkî ra bi planê MÎTî yeno îdarekerdiş û tetîkçîyî zî piştî danî înan. No karêko newe nîyo. No kar rizgarkerdişê Minbicî ra nata dewre de yo û karê kontrakerdişî yeno kerdiş. Nê wirdî odeyan de karê kontrakerdiş, sûîqest, sabotaj, çalakî, bombeyê veng, wesayîtê bombebarkerde û sewbîna xeylê çîyî yenî nawitiş û çeteyî yenî perwerdekerdiş. Hewl danî de vera Meclisê Leşkerî yê Minbicî de çalakîyan bivirazî û şarê herême biterisînî.

Şar ferqê nê polîtîkayan de yo
Dewtela tirkî heta nika xeylê muhîmî daya karê sîxurî û kontrakerdişe. Dewleta tirkî çeteyan kerde mîyanê bajar, fîtne û fesadî kerde mabenê şarê kurd, tirk, ereb, çerkez, tirkmen û ermenîyê bajarî. Taybetî zî hewl dana ke şarê ereban bixapêna û vera Îdareyê Sivîlî yê Minbicî de sere bida wedarnayîş. Labelê şarê herême ferqê nê polîtîkayan de yî û nînê xapênayîş.
Her çend ke hende polîtîkayê dewleta tirkî hereme de şarî ser de bêrî kerdişî zî şarê herême se ra 90 xorayveberdişî hes keno. Şar baş zano ke wayîrê nê çeteyan dewleta tirkî yo. MINBIC 

Albuma Nûçeyê