KIRMANCKÎ

Mesajê KCKyî yê seba Rosanî

Dem : 16 Pûşper 2018 Şemî

Komîteya Şar û Bawerîyan ya KCKyî bi wesîleya Roşanê Remezanî mesaj weşênaye û roşanê alemê Îslamî û heme şaran pîroz kerde. Komîteye wina va: “No klîka faşîst sey vampîran xo bi gonîya kurdan miqate keno. Ma şexsê şehîdan de roşanê hema Kurdistanîyan pîroz kenî”

Komîteya Şar û Bawerîyan ya KCKyî bi wesîleya Roşanê Remezanî îzehetêk weşênaye. KCKyî îzehetê xo de waşt ke Roşanê Remezanî seba alemê Îslamî û heme cîyayêyan bibo wesîleya aştî, biratîya şaran, edalet, seyyewbînanî û azadîya heme şaran. KCKyî mesajê xo de dîyar kerd ke şarê mislimanî problemanê giranan reyde roşanê xo pîroz keno. sere de Rojhelato Mîyanên, şarê herêmê ke tede mislimanî cuyenî de şer problemê ekonomî û polîtîkayê zordar estî. no problem tewr zêde Sûrîye, Iraq, Tirkîya û Kurdistanî de esto.

KCKyî mesajê xo de wina va: “Mîyanê şarê mislimanî de tehditê qirkerdişî şarê kurdî ser de esto. Înkarkerişê bîyayişê şarê kurdî hetê sîstemê mîyanneteweyî ra seba polîtîkayê qirker yê dîktatorîya faşîst ya Erdogan-Bahçelî beno ders. Şarê kurd bi seyan serro ke wazeno şarê tirk, ereb, fars, asûrî-suryanî, ermenî, azerî û heme şaran reyde bicuyo. Erdogan bi polîtîkayê xo yê nijadperestî cewab dano kulturê biratî û seyyewbînanîya şarê kurdî. Dewleta tirkî hêrişê herêma Bradostî kerd. Dişmenîya Erdogan û AKPyî yê vera kurdan bi hawayo bê sînor aşma Remezanî de zî dewam kerde û hûmara ciwanê kurdan yê ke ameyî qetilkerdiş ser propagandaya xo kerdî. Na rewşe ehlaqî nîya û tu bawrîyêk de zî çin a. No klîka faşîst sey vampîran xo bi gonîya kurdan miqate keno.”

Komîteye dewamê îzehetê xo de dîyar kerde ke Erdogan bi qetilkerdişê domanê kurdan wesfê xo dano û wina va: “Ferqê kesê ke Kerbale de cinî û domanan qetil kerdî û Erdoganî yewbînan ra çin î. Nê hewteyê peyênan de Erdogan û AKPyî sey propagandaya weçînayîşî, şarê ma yê Qendîl, Şengal û stargehê koçberan yê Mexmurî kerdo hedefê xo û hêrişê giranan bi nê cayan keno. Erdogan û AKPyî bawerîya şaran îstismar kenî û şerê vera kurdan sey rayirê domnayîşê bîyayîşê xo û îqtîdarîyê xo vînenî.”

Komîteye îzehetê xo de veng daye heme beşê komelî yê Tirkîya û wina dewam kerde: “Weçînayîşê 24ê Hezîrane de rayê xo medêne înan. Kurdê ke heta nika rayan dayî AKP û Erdoganî, ganî tîya ra pê nêbî ortaxê nê sucan. Kurdistan û Tirkîya de nizdîbîyayîşê tewr merdimîye û demokratîk, reaksîyon nawitişê AKP û erdoganî yo. Kesê faşîstî seba çinkerdişê kurdan 3 serrî yo ke bi giranî hêriş kenî. Dagirkerî hêzê xo sîstemê mîyanneteweyî ra herînenî û bi piştîyê kurdê îxanetkar hêrişê kurdan kenî. No konsept her çar parçeyê Kurdistanî de dewre de yî. Ganî şarê ma ferqê rastîyan de bibo û Roşanê Remezanî de yewîya xo xurt bikero. No roşanî de ganî ma hîna zêde wayîrê şehîdan bivejîyî û înan vîr bîyarî. Ganî ma sere de heme keyeyê şehîdan û keyeyê hepsîyan reyde piştîya xo xurt bikerî. Bi wesîleya roşanî ma heme şehîdan vîr anî û roşanê hema Kurdistanîyan pîroz kenî.” BEHDÎNAN

Albuma Nûçeyê