KIRMANCKÎ

Masegirî vayeya mazotî vera qeyaxê xo roşenî

Dem : 11 Kewçer 2018 Pêncşem

Bajarê Mêrsînî de masegirî wedarnayîşê qedexeyê nêçîrvanî yê qeraxê Kazanliyî ra dima torê xo eştî gole. Labelê her çiqas ke qedexe biqedîyo û torê xo bierzî gole zî krîzê ekonomî vera rîyê masegiran nêhuyeno. Masegirî dîyar kerdî ke vayeya mazotî vera nêeşkenî mesrefê xo bivejnî. Babete ser o masegiran ra Muslum Ayar û Sertaç Akbogayî qisey kerdî û dîyar kerdî ke vayeya mazotî vera masegirî nêeşkenî bivejî nêçîrê maseyan û deynan vera mecbur manenî qeyaxê xo biroşî.

Ayarî qiseykerdişê xo de va: “Mar oje de 300-400 kîlo mase tepişenî. Verê cû mase kêmî bî, la pere kerdêne. Sebebê rewşa ma vayeya mazotî ya. Vîşêrê mazotî heme haletê neçîrî de vaye virazîya ya. Ma seba çarnayîşê çerxê xo mecburî bixebetî. Emserr 15 masegirî qeyaxê xo rotî. Ma kîloyê maseyan 5 TL yî ra danî, la dezgeyan de bi 15 TLyî yenî rotiş.”

Akbogayî zî wina va: “Bazirganî qezenc nêkenî krîzê ekonomî tesîrê xo dayo heme kesan ser. Ma wazenê fîyetê mase û mazotî bibî normal. Rewşa masegiran manena rewşa citkaran.” MÊRSÎN

Albuma Nûçeyê