KIRMANCKÎ

Ma guneyê xo daxî nêdanî AKPyî

Dem : 14 Pûşper 2018 Pêncşem

Romenê ke Taxa Yenîkoyî ya qezaya Sîlîvrî ya Stenbolî de cuyenî, nizdîyê tesîsê eşteyan yê aîdê Şaredarîya Bajarê Pîlî ya Stenbolî (ÎBB) de têkoşînê cuye danî. Nizdîyê 150 keyeyê ke taxe de cuyenî, binê şert û mercê zehmetinan de cuyenî. Taxe de nêweşî zêde bîya û boya xirab vila bîya taxe. Romenê ke mehkumê konteynirê xiraban ameyî kerdiş, paweyê sozê 11 serran yê AKPyî yî. Taxe de wexto ke wesayîtê Partîya Demokratîke ya Şaran (HDP) nizdî beno heme kesî ber û şibakan ra vejîyenî teber û piştî danî HDPyî. Romenî eleqeyêk zêde danî HDPyî û wazwenî ke HDP goş bido problemê înan.

Babete ser o hemwelatîyê taxe ra Yuksel Demîrbozano ke 48 serrî yo, cinîya ci Salîha Demîrbozan û Yaşar Gureşçî yo ke 39 serrî yo qisey kerdî.

Romenê ke taxe de cuyenî qiseykerdişê xo de wina vatî: “AKP heme weçînayîşan de sozê pîlan dano. Labelê heta nika sozek daxî nêardo ca. Wexto ke ma 24ê Hezîrane de şêrî sindoqan ser, ma do cuya xo bîyarî çiman ver û dima ra rayan bidî. Bi serran ma piştî da AKPyî. Tîya ra pê ma do rayan nêdî AKPyî. AKP sozê viraştişê keyeyan da ma. Labelê sozê xo nêard ca. Tayyîp Erdogan kam ca de yo? Wa bêro biewno rewşa ma. domanê ma nêeşkenî şêrî mekteb. Sebebê rewşa ma AKP yo. Sozê AKPyî kam ca de mendî? Wa bêrî û ma qisey bikerî. Televîzyonan de qiseykerdiş û eştiş nêbeno. Heta nika ma rayan da AKPyî. Labelê tîya ra pê ma nêdanî AKPyî. Taxa ma de cuye nêbena. Eşte û lêşinî estî. Boya xirab debîya taxa ma. Ma û doamanê ma hertim nêweş î. Ma do weçînayîşê 24ê Hezîrane de rayan bidî HDP û Demîrtaşî. Ma guneyê xo daxî nêdanî AKPyî.” STENBOL

Albuma Nûçeyê