KIRMANCKÎ

Ma eslê xo vîrî nêkenî

Dem : 02 Pûşper 2018 Şemî

Pîyê Sadîye Îbrahîme ermenîyê Riha ra bî û qirkerdişê 1915î de xelisîya bî. Dayika ci zî kurd bî. Sadîye Îbrahîme Amudê de ameya dinya û nika Qamişlo de cuyena. Dayika Sadîye Îbrahîme xo bi nasnameyê ermenîtî dana şinasnayîş. Çîyê ke ameyî pîyê Îbrahîme sere, nika yenî aye sere. Dejê ke verê cu pî û şarê aye antî, nika aye ancena. Babete ser o Sadîye Îbrahîma ke eslê xo ra ermenîya û nika Qamişlo de cuyena qisey kerde.

Îbrahîme qiseykerdişê xo de vina va: “Pîyê mi, ma ra vatêne ‘Domanê mi eslê xo vîrî nêkenî. Ewro şima misliman î. Labelê verê cu şima ermenî û xirîstyanî bîyî.’ Çîyê ke 1915î de ameyî serê ermenîyan, ewro yenî serê efrînijan. Şarê Efrînî herra xo ra yenî vetiş. Cinî û domanê yenî remênayîş û qetilkerdiş. Merdimanê pîyê mi ra tena pî û yew ema mi Qirkerdişê Ermenîyan ra xelisîyayî. Heta ke ez şîyêne sinifê 6. Pîyê mi her wext bi hîssin bî.”

Îbrahîme dewamê qiseykerdişê xo de wina va: “Rojêka weş ya pîyê mi nêbîye. Seba dîyîşê merdimanê xo heta peynî têkoşîn da û heme cayan de înan pers kerdêne. Ma 6 waye û bira yî. Pîyê mi qala hîkayeya verênan kerdêne. Pîyê mi hertim nimnayêne ke ê ermenî yî. Xo sey misliman nîşan dayêne. Çimkî tirkî ermenîyan qetil kerdêne.”

Îbrahîme qiseykerdişê xo yê peyênan de zî wina va: Hîkayeya pîyê bi xeylê bi dejin û giran a. Hema zî zerrê mi dejeno. Qirkerdişî ra 103 serrî vîyartî, labelê deja ma rehet nêbîya. Ma eslê xo vîrî nêkenî û ma domanê pîyê xo yî. ma do qirkerdişê dewleta tirkî xo vîra nêkerî. Ma binê sîwana Rayveberdişê Xoserîya Demokratîke de nasnameyê xo yê ermenîtî azade cuyenî û îfade kenî. Çîyê ke ameyî serê ma, nika Efrînî d virazîyenî.” QAMIŞLO

Albuma Nûçeyê