KIRMANCKÎ

Lazimî bi piştîdayîşî esta

Dem : 07 Pûşper 2018 Pêncşem

Heyva Sor a Kurdistanî heta nika bi îmkananê kêman xeylê reyan hetkarîyanê cîya-cîyayan daya bi mîlyonan kesan. Heyva Sor a Kurdistanî Reqqa de her roje ewnîyena 350 nêweşan û dew bi dewe nêweşan derman kena. Badê ke bajarê Reqqa hetê şervananê Hêzê Sûrîyeya Demokratîke (HSD) ra ame rizgarkerdiş, Heyva Sor a Kurdistanî merkezêk ewja de akerde. Heyva Sor a Kurdistanî her roje ewnîyena 350 nêweşan û înan bê pere derman kena. Sewbîna zî heme dew û kampan de xebata weşî yena kerdiş û nêweşî yenî dermankerdiş. Îdarekarê Merkezê Heyva Sor a Kurdistanî Munîr Ebdullahî dîyar kerd ke merkezê înan de wesayîtê ambulans û kadroyê pirspor 24 saetan xizmet danî. Ebdullahî bale ant îmkan û lazimîyanê înan ser û vengê piştîdayîşî da heme kesan. REQQA

Albuma Nûçeyê