KIRMANCKÎ

Koyî yenê veşnayîş û darî yenê birnayîş!

Dem : 12 Tîrmeh 2018 Pêncşem

Merkezê Şirnex, Silopiya, Basan, Qileban û Bêşebabî bi seyan herêmî bi mehneyê “Herêmê Asayîşê Taybet” ameyî qedexekerdiş û dima ra operasyonê leşkerî ameyê destpêkerdiş. Operasyonê ke ameyê destpêkerdiş dewam kenê. Heto bîn ra nê operasyonan de dem bi dem pêrodayîşî vejîyenê û 24 saetî helîkopter gerenê. Nê operasyonan de bi seyan leşker û qorîcî ca girewtê.

Seba gulevaran û bombardumanê qereqolê derûdorî, herême de her wext şewat vejêno. Tewr zêde zî Kato Jîrka, Besta, Gabar û Koyê Cûdî. Operasyonê aşma vîyarte de Kato Jîrka û Bestayî dest pêkerdî her ke şino hîra beno. Yeno dîyarkerdiş ke nê herêmê ke hetê teyareyê şerî ra zî yenê bombardumankerdiş û sewqîyatê leşkerî virazênê û heto bîn ra nê herêman de bingeyê leşkerî yê newe yenê awankerdiş.

Di herêman de zî xêrcê hîn dewijan hema vajê dekewtiş û vejyayîş girewte yo. Qorîcîyê herême bi hawayêke dore operasyonan de ca gênê. Tevgerê leşkerî yê Kato Jîrka zî mojneno ra ke yê Herêmê Feraşînî zî operasyonêke pîl bêro destpêkerdiş.

Darî yenê birnayîş

Heto bîn ra ame zanayîş ke herêma bajarokê Dewa Melê, warê Koyê Fileha de qorîcîyan darî birnayê. Nê herêmê operasyonî nêame zanayîş ke heta nika çiqasa darî ameyî birnayîş. ŞIRNEX

Albuma Nûçeyê