KIRMANCKÎ

Kêmîbîyayîşê varanî zirar da hêgayan

Dem : 27 Avrêl 2018 Yekşem

Kêmîbîyayîşê varanê emserrî û xişikê ke varayî zirarêko pîl dayî berardişê xele yê Dêrazorî. Citkarê Dêrazorî veng dayî kesê eleqedaran ke piştî bidî înan. Hemwelatîyê dewanê rojhelatê Dêrazorî dest bi paleya berardişê xeleyan kerdî. Kêmîbîyayîşê varanê emserrî û xişikê ke varayî zirarêko pîl dayî hêgayê herême. Mehsulê ke vejîyayî zîyanêko pîl dîyî. Netîceyê nê çîyan de berardişê emserrî xeylê kêmî bî.

Rewşa ekonomî ya xirab û zirarê ke berardişî de virazîyayî xeylê citkaran mexdur kerdî. Rewşa ekonomî û zirarê hêgayan vera citkarî nêeşkenî makîneya patosî bibî û mehsulan bi paleyan bidî çînayîş. Rojaneya paleyek 3 hezar TLyê Sûrîye ya. Goreyê citkaranê herême heme meshulê emserrî bêrî arêdayîş daxî nêkewenî çuwalêk. Serranê verê cu nê hêgayan ra her serre 5 çuwalî mehsulî ameyêne çinitiş. Babete ser o citkaro binameyê Silêman Xelef El-Hesenî ke herêma El-Kesra de dewa Dêrazorî de ronişeno qisey kerd.

Silêman Xelef El-Hesenî qiseykerdişê xo de wina va: “No çend rojî yo ke ma dest bi çinitişê xeleyan kerdo. Mehsulê ma yê emserrî xeylê kêmî yo. Rewşa xirabe ya ekonomîye vera ma nêeşkenî patos vîyarî û cok ra ma bi destanê xo çînenî. Ma veg danî heme kesê eleqedaran ke piştî bidî citkaran.” DÊRAZOR

Albuma Nûçeyê