KIRMANCKÎ

Kela hamnanî de keda înan yena werdişe

Dem : 11 Tebax 2018 Şemî

Çukurova de karkerê ke akrê berardişî kenî, seba 50 TL mecburî kela hamnanî û binê dereceya 40î de 12 saetî bixebitî. Karkerî seba ke kela hamnanî ra tesîr nêbî kincê derg xora danî, şewqe danê xo ser û kefî lefnenê dormeyê milê xo. Karkerê ke binê nê şertan de xebitîyenî ge-ge xora şonî û tena saetê nîmrojî de boya xo danî. Karkerî dîyar kerdî ke ê heqê keda xo nêherînenî û na rewşe ra zaf tesîr benî.

Babete ser o karkerê qezaya Ceyhan yê Edeeneyî ra Ahmet Gulero 64 serrî, dayika 2 domanan Sabîha Guler û domano 16 serrî Îbrahîm Şenî qisey kerdî û qiseykerdişê xo de bale antî şert û mercê xebate ser.

Karkerî destpêkê qiseykerdişê xo de wina vatî: “Ma domanîya x ora nata mîyanê hêgayan de xebitîyenî. Pêroyê cuya ma mîyanê hêgayan de derbaz bîye. Binê kela hamnanî de xebitîyayîş xeylê zehmetin a. Şert û mercê xebatî çende zehmetin bibî zî ma heqê keda xo nêherînenî. Mîyanê ma kesê nêweşî zî estî ke mecburî bixebitî. Domanê ke hamnanî de nêşonî mekteb, tîya de xebitîyenî.” EDENE

Albuma Nûçeyê