KIRMANCKÎ

Kela germîya hamnanî de cereyan qut bî

Dem : 07 Tîrmeh 2018 Şemî

Taxa Yenîşehîrî ya Silopîya ya Şirnexî de Vilakerdişê Cereyanî yê Dîcle (DEDAŞ) bi îdîaya ‘seba ke cereyanê qaçaxî asteng bikerî’ panoyê cereyanan teber de bi ca keno. Hemwelatîyê taxe reaksîyon nîşan dayî birnayîşê cereyanê taxe. Tewr peynî 2 rojî verê cu ekîbê DEDAŞî û xeylê polîsî ameyî taxe. Badê ke hemwelatîyê taxe reaksîyon nîşan dayî ekîban, polîsî bi gaz û copan hêrişê hemwelatîyan kerdî. Hedîse ra dima ekîbê DEDAŞî panoyê cereyanan yê keyeyan teber de bi ca kerdî û bi ca kerdişê panoyan vera cereyanê 15 keyeyan qut bî.

Qeza de germîya hewayî ge-ge resena 50 dereceyan. Keyeyê ke bê cereyan mendî reaksîyon nîşan dayî na rewşe. Hemwelatîya bi nameyê Emîne Ozeke dîyar kerde ke bi rojan o keyeyê înan de cereyanê înan çin o û vera ekîbê DEDAŞî de nobete tepişenî.

Ozeke qiseyerdişê xo de bale ante prosesê îlankerdişê qedexeyê teber vejîyayîşî ra nata û wina va: “Ma nêeşkenî 24 saetan nobetê panoyan bitepişî. Neheqî bi ma yeno kerdiş. Çinbîyayîşê cereyanî vera heme çî xira bîyo û kesê extîyarî nêeşkenê na germîya de îdare bikerî. Heqê înan çin o ke wina bikerî. Hedîseyê hêrişê polîsan de xeylê kesî ameyî derbkerdiş.” ŞIRNEX

Albuma Nûçeyê