KIRMANCKÎ

Kaya: Tu çîyêk nêqedîya yo

Dem : 27 Pûşper 2018 Çarşem

Goreyê dayeyê resmî yê weçînayîşê 24ê Hezîrane hîrên partîya tewr pîlî ya Tirkîya Partîya Demokratîke ya Şaran (HDP) bî. HDP bi namzedê xo yê tirk, kurd, ermenî, êzidî, elewî, ereb, musluman, sosyalîst û cinîyan, tabloya zafnasnamebîyayîşî ya Tirkîya awan kerd. Huda Kayaya ke bi nasnameyê xo yê îslamî yena zanayîş û 27. wextê Parlamentoyî de ca girewte û qala netîceyê weçînayîşê 24ê Hezîrane kerde. Kayaye qiseykerdişê xo de daye zanayîş ke têkoşînê înan newe ra dest pêkerdo û ganî muxalefet pîya têkoşîn bikero.
Kayaye qiseykerdişê xo de arde ziwan ke hema derheqê weçînayîş de zelalnêbîyayîşêk esto û wina va: “Komelî de endîşe û şiknayîş virazîya yî. Çi yeno ciwîyayîş wa bêro ciwîyayîş, netîce se beno wa bibo hêvî hema esta û hêvîya mi hema hêzin a. Referandumê 16ê Nîsane de cepheyêk ‘Nê’ yê xurt virazîya û prosesê 24ê Hezîrane de hişmendîyêk kolektîf virazîya. Muxalefet pîya têgeyra.”
Kayaye tewr peynî qiseykerdişê xo de daye zanayîş ke ganî fehm û tecrubeyê ke wextê peyîn de vejîyayî nêrî çinkerdiş û ganî muxalefet nê bizano û ameyox xo xurt bikero. STENBOL

 

Albuma Nûçeyê