KIRMANCKÎ

Hepsîyê hîna nêweş estî

Dem : 12 Tîrmeh 2018 Pêncşem

Seke yeno zanayîş Nêweşxaneyê Îhtîsasa Berzî yê Kirikkale raporê weşî yê daîmî dabî hukwerê Rêxistinê Sûcî yê Organîzeyî Alaattîn Çakiciyî ke Serekê Pêroyî yê MHPyî Devlet Bahçelî ke şîbî pêvînayîşê ci. Goreyê raporo ke ameyo dayîş de Çakiciyî eşkeno hewte de 7 rojan kesê ke wazeno reyde pêvînayîş bikero. Wasîyê hepsîyê nêweşî reaksîyon nawitî na rewşe û bale antî rewşa 402ê ci giran hezar û 153 hepsîyê nêweşan.

Babete ser o Sevîm Kanvaya ke wasîya Alî Gulmezo ke Zindanê Tîpa Eyî ya Edîrneyî de maneno û nêweşîya prostat û gurçikan ci de esto, Arzu Aksakala ke wasîya Yaşar Erîşo ke Zindanê Tîpa Fyî ya Tekîrdagî de maneno û nêweşîya şîzofrenî ci de esto û Endama Komîsyonê Zindanan ya Komeleya Heqê Merdiman Hatîce Onarana ke wasîya Menderes Leyla ke eynî zindanî de maneno û nêweşîya tuberkuloz, mîgren û gurçikan ci de esto, qisey kerdî.

Sevîm Kanva, Arzu Aksakal û Hatîce Onarane qiseykerdişê xo de bale antî îxlalê heqê hepsîyan ser û wina vatî: “Badê ke Bahçelî şî pêvînayîşê Çakiciyî rapor ame dayîş. Dîyaro ke no qerar siyasî yo. Ma baş zanê ke nêweşîya Çakiciyî çin a. Hepsîyê ke nêweşîya rîşa merdimwere înan de estî, hucreyê yew kesî de manenî. Na rewşe cîyakerdişê hepsîyan a. Bi nizdîbîyayîşêk seyyewbînan nizdîyê hepsîyan nêben. Heme heqê hepsîyan destê înan ra ameyî girewtiş û rewşa weşîya înan tehluke de ya. Ganî fek polîtîkayê cîyakerdişê hepsîyan ra bêro veradayîş.” STENBOL

Albuma Nûçeyê