KIRMANCKÎ

Hamîde Yîgîte: AKP seba weçînayîşî hêriş keno

Dem : 12 Pûşper 2018 Sêşem

Amadekarîya weçînayîşê 24ê Hezîrane reseya merheleya peyên û tena 12 roje mendo ke şar şêro sindoqan ser û rayanê xo bixebitno. Pispora Rojhelato Mîyanên û nuştox Hamîde Yîgîte qala atmosferê sîyasî yê prosesê weçînayîşê Tirkîya kerde.

Yîgîte ke bîyayîşê OHALî de kerdişê weçînayîşê bi tena sereyê xo caardişêke vera demoratîk o û yewin sebebê OHALî zî o yo ke heme muxalîfan bêveng bikero. Hamîde wina dewam kerde: “Pêwa heme nê caardişan, namzedê serekkomarî yê HDPyî Selahattîn Demîrtaş tewqîfkerde yo. Nêverdayê ke bi weçînitoxanê xo dir bêro têhet û namzedêke îfadekerdişê azadîya xo ra bêpar ameyo verdayîş o. Maddaya ‘têduştî û weçînayîşê adîlane’ sere de ameyo îhlalkerdiş.”

 Yîgîte daye zanayîş ke çîyêke êdî AKP sozê ci bido no welatî nêmendo û wina va: “Çîyê ke bi destê xo dayê vindîkerdiş, sey ke sewbînî kerdê, sozê viraştişê nê çîyan dano. Prosesoke ekonomîya nêbaş de bêro îdarekerdiş, bi eynî mezgî çareserîyê ci nêbeno. Ekonomîyêke talan û dizdî ser meşnenê, vindîkerdişê ci zaf normal o. AKP hewldayîşê ke no krîzî taloq bikero de yo. La êdî kewto wextêke nîno taloqkerdişî. No semed ra vindîkerdiş nêame çareserkerdiş û sozê ke yenê dayîş hîkaye ra wetayîr nêşinê.”

Yîgîte bale ante ser îzahatê îqtîdarî yê sey ‘ma do enflasyon bifînê yew xaneyî’ û va xo ra destê înan de formulêke wina bi sîhîr bibayne, ekonomî wina nêbîne û çîyê ke dayê vindîkerdiş sey sozî dano verê şarî û na zî yena manaya ke qeşmerîyo xo bi şarî keno. Beno ke hamleyê Qendîlî virazno. La do hamleyêke bê rîsk biwazo. Îhtîmalêke pîl do bi DYAyî dir pêameyîş bikero û hamleyêke bi sînor bikero. AKP seba weçînayîş vindî nêkero do heme kozanê xo kay bikero. Û heto bîn ra beşêke pîl zî ferq kenê ke HDP do baraj derbaz bikero.”ANQARA

Albuma Nûçeyê