KIRMANCKÎ

Girê Spî de komê newe yê MÎTî ameyî

Dem : 06 Pûşper 2018 Çarşem

MÎTî Girê Spî de bi piştîdayîşê Şaredarê Akçakale Abdulhakîm Ayhanî bin kontrolê fermandarîya endamanê kehen yê DAIŞî de komêka newe awan kerd. Na kome seba ke vera endamanê HSDyî de suîqast û sabotajan biviraza yena xebitnayîş

Dewleta tirkî serra 2011î de polîtîkayê xo yê piştîdayîşê çeteyan dîyar kerd û aye tarîx ra nata piştî dana çeteyan. Wexto ke çeteyê binameyê Birayê Misilman, Cephet El Nusra û DAIŞî vera Yewîya Pawitişê Şarî (YPG) û Hêzê Sûrîyeya Demokratîke (HSD) de têk şîyî, dewleta tirkî 24ê Çeleyê 2016î dest bi dagirkerîya Sûrîye kerd. Dewleta tirkî 24ê Tebaxa 2016î de dagirkerdişê Cerablusî reyde, rayirê DAIŞî birna û unîformayê OSOyî bi înan da xoradayîş. Dima ra dinya xapêna û vatbî ke ‘Nê kesî mîyanê Hêzê Mertalê Firatî de ca gênî.’ MÎTî dagirkerîya Efrînî de nê çeteyanê DAIŞî xebitna û badê dagirkerîyan Efrînî Grî Spî û Minbîcî de faalîyetanê xo zêde kerd.

MÎTî Girê Spî de bi piştîdayîşê Şaredarîya Akçakaleye bin kontrolê fermandarîya endamê kehen yê DAIŞî de komêka newe ya bi nameyê ‘Artêşa Mîyanneteweyî ya Girê Spî’ awan kerd. MÎTî Girê Spî de verê nê çeteyan dayo wezîfedaranê îdareya xoser û endamanê HSDyî ke vera înan de suîkat û sabotajî bivirazî.

Endamê koma suîqast û sabotajî

Şaredarê Akçakale Abdulhakîm Ayhan (Ebîd El Hekîm) berpirsîyarê awankerdişê koma çeteyan o. MÎTî bi rayirê Ayhanî Akçakaleye de şarê erebî reyde xeylê kombîyayîşan viraşt. Tewrê nê çeteyan, keyeyê çete û endamê DAIŞî zî beşdarê nê kombîyayîşan bîyî. Badê kombîyayîşê aşmêk verê cu, qerar ame girewtiş ke koma çeteyan bêra awankerdiş. Avûkatê bi nameyê Ekrem Dede, Salih El Hac, Ebîdullah En Hendawî û Ebîd El Letîk Keçelî zî tewrê kombîyayîşî bîyî û fermandarîya kome ame dîyarkerdiş. Goreyê zanayîşan fermandarîya na kome de endamê çeteyanê DAIŞî estî.

Goreyê zanayîşan fermandarê kome nê kesî:

Ebîd El Letîf Keçelî, endamê DAÎŞî yo û Fermandarê Pêroyî yê koma çeteyan o. Keçelî verê cu zî Taburê Enwe El Heqî awan kerdo û dima ra tewrê çeteyanê DAIŞî bîyo.

Musena El Letîf El Keçelî fermandarê leşkerî yê 1. yê kome yo û lajê Ebîd El Letîf Keçelî yo.

Ehmed El Hiluyî endamêko kehen yê DAIŞî yo û fermandarê leşkerî yê 2. o. Verê cu zî Taburê Şêx El Îslam Îbnî Teyîmîyî awan kerdo û dima ra beşdarê DAIŞî bîyo. No kes merdimê şaredarê Akçakaleye yo.

 Esmaîl Ebîdula El Êdoyî endamêko kehen yê DAIŞî yo û ê zî fermandarê kome yo. El Êdoyî verê cu tewrê El Nusra bîbî û hêrîşê Serêkanî kerd. Badê ke mîyanê El Nusrayî de dizîyê cebilxaneyî kerd û ame tewqifkerdiş, taburê xo vila kerd û tewrê DAIŞî bî.

Vîşêrê nê kesan Ebo Reîd (Hesan Muhemed El Ûfî), Ebu Eye (Huseyîn Mehemed El Ufî) û Yasîn El Umeyrî zî estî.

Goreyê zanayîşan 50 ciwanê eşîra El Umeyrî zî beşdarê kome bîyî û na kome tewrê Hereketê Qiyamî ke verê cu Reqqa, Girê Spî û Minbîcî de suîqastî viraştîbî. GIRÊ SPÎ

Albuma Nûçeyê