KIRMANCKÎ

Ganî hûmara cinîyan zêde biba

Dem : 31 Avrêl 2018 Pêncşem

Lîsteya namzedîye yê partîyê sîyasî yê weçînayîşê 24ê Hezîrane pêşkêşê Heyetê Weçînayîşî yê Berzî (YSK) amey kerdiş. AKPyî de 126, CHPyî de 137 û HDPyî de zî 230 namzedê cinîyî ameyî mojnarayîş. Pêroyî de 4 hezar û 200 namzedî estê û înan ra zî 3 hezar û 269 camêrd û 931 zî cinî yê. 49 bajaran de cinîyî rêza yewin de ca gênê. HDPyî 18 bajaran, CHPyî 6 bajaran, AKPyî zî 4 bajaran de cinîyan rêza yewin de mojnayî. Endama Komeleya Piştdayîşê Namzedê Cinîyan (KA.DER) Nîlgun Karcaogluye tabloya namzedan şîrove kerde û rexneyê xo arde ziwan.

Karcaogluye qiseykerdişê xo de va ‘namzedîya cinîyan heme weçînayîşan de bîya problem’ û wina domnaye: “Partîyê ke cinîyan namzed mojnenê îstîsna yî. 5 weçînayîşê peyîn de namzedê cinîyî rêza yewin de ca gênê û hetê hûmare de piştdayîş vînenê. Weçînayîşê 7ê Hezîrana 2015î de peymeyê namzedê cinîyan se ra 26 bî û wexto ke merdim çar partîyê ke kewtî meclîsî ra ewnîyeno tena peymeyê namzedê cinîyan HDPyî de se ra 33 vîyart o. HDPyî reyde vilabîyayîşê krîtîkî raste ra ameyî wedartiş.”

Karcaogluye dewamê qiseykerdişê xo de bale ante hûmara namzedê cinîyan ser û wina va: “Goreyê camêrdan kêmîbîyayîşê namzedê cinîyan newe û surprîz nîyo. Bi taybet ji KA.DER û heme komeleyan rê reaksîyonê lezgîn yenê pawitiş. KA-DER, komeleya heqê merdiman û rêxistinê femînîstan a û seba awanbîyayîşê demokrasîya welatî xeylê muhîm a. Lîsteya weçînayîşî de hûmara namzedê cinîyan muhîm a.” ANQARA

Albuma Nûçeyê