KIRMANCKÎ

Ganê ma seba heyfgirewtişê embazan o

Dem : 12 Tîrmeh 2018 Pêncşem

Polat Efrînî qezaya Bilbilî ya Efrînî de vera hêzê dewleta tirkî ya dagirkerî de çalakîya fedayî pê ard û wextê xoverdayîşî de va; Heta ke pay nêdî bedenê mi ser, nêeşkenî bikewî dewa mi. Ma amadeyê ganê xo seba wedarnayîşê heyfê embazanê xo feda bikerî. Ganê ma seba heyfgirewtişî yo

Wexto ke Şorişê Rojawanî dest pêkerd Polat Efrînî (Mervan Elî Emer) 17 serrî bî. Polatî zî sey heme ciwananê kurdan seba awankerdişê xeyalê azadîya şarê xo tewrê xoverdayîşî bî. Şerê vera DAIŞî û şerê bêmaben yê 7 serran de hertim aver şîyêne û xo dayêne çeperê tewr vernî. Polat Efrînî bi desan reye

 birîndar bî, la qet fek têkoşînê xo ra vera nêda. Efrînî 12 Adare de qezaya Bilbilî ya Efrînî de vera hêrişanê dagirkerî yê dewleta tirkî û çeteyê girêdayeyê ci de çalakîya fedayî pê ard û şehîd bî.

Mervan Elî Emerî nameyê kodî yê datê xo yê ke serra 1992î de pêrodayîşê dagirkerî de şehîd bîbî, girewt û tewrê embazanê şorişgeran bî. Wexto ke dewleta tirkî û çeteyê girêdayeyê ci roja 20ê Çeleyî de vera Efrînî de dest bi hêrişanê dagirkerî kerdî, Polat Efrînî şerê vera DAIŞî de birîndar bî û Nêweşxaneyê Avrînî de 3 reyan amelîyat bî. Birînê Polatî hema nêpadîyabî û qerar da ke reyna şêro.

Heta fişengê xo yê peynî

Polat Efrînî her çend ke nêeşkayêne milê xo yê çepî bixebitno zî goş nêda îtirazanê keye û embazanê xo û şî meterisê Bilibilî ke vera dagirkeran de şer bikero. Badê ke hemrayirî ci ê agêrnayî, na reye verê xo da meterisê Mabetayî. Polat Efrînî badê wextêk ewja ra zî ame antiş û dîyar kerd ke do şêro dewa xo de şer bikero û şî dewa Qizilbaşî ya qezaya Bilbilî. Polat Efrînî şewa 12ê Adare de vera leşker û çeteyanê dewleta tirkî ya dagirkerî de heta fişengê xo yê peynî şer kerd. Efrînî şîyayîşê xo yê meterisan ra ver dayika xo ra wina va.

Sondê Polat Efrînî

Polato ke bi hawayo birîndar şîbî meterisê şerî û seba ke birînê ci nêpadîyabî embazê şorişgerî ci meterisê Mabetayî ra antî wina va: “Heta ke pay nêdî bedenê mi ser, nêeşkenî bikewî dewa mi. Ma amadeyê ganê xo seba wedarnayîşê heyfê embazanê xo yê şehîdan feda bikerî. Ganê ma seba heyfgirewtişî yo.”

Polat Efrînî sondê xo tepişt û vera dagirkeran de çalakîya fedayî pê ard û tewrê karwanê şehîdan bî. ŞEHBA

Albuma Nûçeyê