KIRMANCKÎ

‘Erdogan do Uskudarî ra derbas nêbo’

Dem : 16 Pûşper 2018 Şemî

Xebatê weçînayîşî heme qezayê Stenbolî de dewam kenî. Çumkî Stenbol rengê peymeyê partîyan dîyar keno. Cok ra heme partîyê siyasî muhîmî danî xebatanê Stenbol û qezayanê ci. Nê qezayan ra yew zî Uskudar a. Goreyê peymeyê 2017î nufisê Uskudarî 533 hezar û 570 kesî.

Qezaya Uskudarî sey kelehê AKPyî yena zanayîş. Labelê referandumê 16ê Nîsane de se ra 53,3 rayê ‘NÊ’ vejîyabî. Yeno pawitiş weçînayîşê 24ê Hezîrane de rayê AKPyî hîna kêmî bibî. Partîya Demokratîke ya Şaran (HDP) sey heme qezayan Uskudarî de zî stard akerdo û xebatê weçînayîşî domneno. Standê weçînayîşî de Hemserekê HDPyî Hakki Cengîz welatîyan pêşwazî keno.

Babete ser o Hakki Cengîz, Sibel Erdogan, weçînitox Gulşen Ay, Hasan Filiz û Îdarekarê CHPyî yê Uskudarî Deniz Yildirimî qisey kerdî. Cengîzî dîyar kerd ke vatişê ‘Kesê ke estorê xo girewtî Uskudar vîyartî’ rast nîyo. Êdî Erdogan nêeşkeno estorê xo daxî bigîro.

Cengîz, Erdogan, Ay, Filiz û Yildirimî qiseykerdişê xo de wina vatî: “Standê ma rastê eleqeyêk pîl yenî. Ma tax bi taxe, keye bi keye gêrenî û ma rastê eleqeyê pozîtîfî yenî. Verê cu ma nêeşkayêne şêrî keyeyan. Labelê nika ê bi x oma dawetê keyeyê xo kenî. Şar wazeno kem a bişinasno. Verê cu tîya de AKP hakim bî. Labelê nika şar rayan dano HDP û Selahattîn Demîrtaşî. AKP Uskudarî de vînî kerdo. ma veng danê heme weçînitoxan ke şêrî sindoqan ser û wayîrê sindoqan bivejîyî. Ma seba serbestveradayîşê Demîrtaşî 10 hezar îmzeyan arê dayo. No weçînayîş seba Tirkîya zaf muhîm o. HDP eşkeno vera feqîrî û betalî de têkoşîn bikero.” STENBOL

Albuma Nûçeyê