KIRMANCKÎ

Erdexan serkewtişê HDPyî hedef gêno

Dem : 13 Pûşper 2018 Çarşem

Heme cayê Kurdistan, Tirkîya û Ewropa de seba weçînayîşê 24ê Hezîrane xebatê cîya cîyayî yenî kerdiş. Namzedê Partîya Demokratîke ya Şaran (HDP) yê Erdexanî rojnameger Ozgur Polatî çapemenîya herêmî, rojnameyê Evrensel û Cumhurîyetî de rojnamegerî kerdo. Polatî qiseykerdişê xo de ard ziwan ke qerarê namzedî ra ver şîrketêk de xebitîyayêne. Polatî kitabêko bi nameyê ‘Sirgun’ yê hîkayeyan zî nuşt o. Babete ser o namzedê HDPyî Ozgur Polatî qisey kerd û qala weçînayîşê 24ê Hezîrane kerd.

Polatî destpêkê qiseykerdişê xo de wina va: “Hedefê ma o yo ke ma weçînayîşê 7ê Hezîrane bivîyarî. Ez qezaya Golanî ya Erdexanî de ameya dinya. Mi wextêk serekîyê baskê ciwana yê Partîya Demokrasî ya Şaran (HADEP) kerd. Ma hayîyê prosesêko zehmetin de yî. Şarê ma bawerîya xo bi HDPyî ardo û wayîrê partîya xo vejîyeno. 7ê Hezîrane de partîya tewr serkewte ma bîyî. Ma serkewtişê HDPyî hedef kenî. HDP omid dano şaran. HDP partîya Tirkîya yo. Ma eleqeyê pîlî vînenî û sewbîna partîyan ra sozê rayan gênî. Netîceyê weçînayîşê 7ê Hezîrane do dibare bibo.” ERDEXAN

Albuma Nûçeyê