KIRMANCKÎ

Doza Nisêbînî 9ê Temmuze de ya

Dem : 01 Tîrmeh 2018 Yekşem

Qezaya Nisêbînî ya Mêrdînî de 14ê Adara 2016î de qedexeyê tebervejîyayîşê kuçeyan ame îlankerdiş û wextê ke qedexeyî dewam kerdêne de 70 kesî ameyî tahlîyekerdiş û tewqîfkerdiş. 70 kesî ra doza 53 kesan do 9ê Temmuze de bêra vînayîş. Badê di serran roniştişê yewin aşma Çeleyî de virazîyabî û 9 rojan dewam kerdbî. Roniştişê diyîn zî aşma Nîsane de ame vînayîş û 8 rojan dewam kerdibî.

Roniştişê 3. zî do 9ê Temmuze de 4. Mehkemaya Cezaya Girde ya Mêrdînî de awanîya Sazgehê Asayîşê Komelî (SGK) de bêro vînayîş. Hepsîyan rê 76 reyan muebeto giran yeno waştiş. Her di roniştişan de keye û çapemenî serê israrê înan de eşkabî beşdarê roniştişî bibê, la waştişê avûkatanê ke hewteyêke ardî ziwan zî hetê mehkema ra ame redkerdiş.

Pawitişê ke hewteyêk ame kerdiş de îdianameyê ke heyetê mehkema vet vernîya hepsîyan zî nêame qebulkerdiş. Hepsîyan îdianameyo ke bi îfadeyê badê îşkence ameyo amadekerdiş qebûl nêkerdî û salona dadgehe de îdareyê xoserî pawitî. Her roniştiş de pawitişê hepsîyan mohrê xo da roniştişî ro. Hepsîyê ke salone de bi polîsê îşkencekaran mehdî, hepisxane de rastê tehdîdan ameyî.

Heto bîn ra hepsîyan seba ke îşkence dîbî, avûkatan muracatê suc kerdibî, la bêsebeb qerarê nimite dayî dosya ro. Goreyê zanayîşê ke avûkatan ra ameyê girewtiş, derheqê dosyayan de tu çîyêk nêameyo kerdiş. MÊRDÎN

Albuma Nûçeyê