KIRMANCKÎ

Dêrsim de bi coşêko gird buro ame akerdiş

Dem : 27 Avrêl 2018 Yekşem

Çarçewaya xebatê weçînayîşê 24ê Hezîrane de daşinasnayîşê namzedan dewam keno. Cayê ke namzedî tede ameyî daşinasnayîş ra yew zî Dêrsim o. Dêrsim de hem namzedî dîyayî şinasnayîş û hem zî buroyê weçînayîşî ame akerdiş. Parlamenterê HDPyî yê Dêrsimî Alîcan Onlu û Namzeda parlamenterîye Meral Hanbayat Yeşîle beşdarê akerdişî bîyî.

Şar bi coşêko gird beşdar bi û ge-ge siloganî eştî û govende girewtî. Akerdişê buroyî de Yeşîle qisey kerde û wina va: “Ez seba ke waştişanê dêrsimijan bîyara ziwan, selahîyetê temsîlî wazena. Ez bawer kena ke ma do pîya no proseso zehmetin derbaz bikerî. Ma dêrsimijî xerîbê tedayan û zîndanan nîyî. 24ê Hezîrane tena weçînayîşê serekîye nîyo, weçîyanîşê qederî yo zî. Ancax HDP û îttîfaqê ke HDP awan kerdî, eşkenî nê îqtîdarî biqedênî. Ma do heme bendan birijnî.” Qiseykerdişan ra dima bi çepik û tilîlîyan akerdişê buroyî ame kerdiş. DÊRSIM

Albuma Nûçeyê