KIRMANCKÎ

Cinîyê tewqîfkerdeyî ra vengdayîş

Dem : 10 Tîrmeh 2018 Sêşem

Cinîyê hepsî yê zindanê Kurdistan û Tirkîya seba domana bi nameyê Zeynep Temela ke ceza girewta û Zindanê Tîpa Tyî ya Denîzlî de manena vengdayîşê hîsgêrî kerdî. Cinîyê hepsî dayî zanayîş ke Temele bi hawayo keyfî surgun bena û heta nika surgunê 3 zindanan bîya. Cinîyê hepsîyî dîyar kerdî ke derheqê Temele de heta nika 40 zabitname ameyê girewtiş, 6 aşmî cezaya dîsîplînî girewta û tewr peynî surgunê Zindanê Tîpa Tyî ya Denîzlî bîya. Cinîyê hepsî derheqê Zeynep Temele de mektubêk erşawitî û qala rewşa zindanan kerdî.

Mektubê hepsîyê cinîyan winayo: “Zeynep Temele domanêke hepsî ya û ceza girewta. Zindanê Tîpê Eyî ya Mêrdînî ra surgunê Zindanê Domanan yê Hatayî bîye. Ewca de di hewte mende. Kesê ke binê 18 serrî yî û ceza girewtê zî surgunê keyeyê perwerde yê domanan ê nîm akerde kenê. No semed ra surgunê Keyeyê Perwerde yê Domanan ê Bozkurtî yê Hatayî kerdî.

Sewqê ke nusnenê yenê redkerdiş

Zeynep Temele seba ke hûmartişê serê lingan red kerde, derheqê aye de nizdîyê 40 zabitname ameyê girewtiş û 6 aşmî cezaya dîsîplînî dîya. Badê hende cezayan nika zî surgunê Sazgehê Înfazî yê Cezaya Girewtî yê Tîpa Tyî ya Kocabaşê Denîzlî ameya kerdiş. Zindanan de tena hîrê hepsîyê cinîyî estê. Sewqê ke nusnenê zî red kenê. Koxuşe de di kamera estê. Temele nika di embazê cinîyî Sîbel û Fatmayî reyde manena. Eke wina dewam bikero do dest bi grevê vêşanî bikerê. Semedo ke dûrîyê keyeyî nêeşkenê şêrê pêvînayîşê înan. Xeylê reyan hewl dayê ke biresnê çapemenî la îdareyî dest dayê ser mektuban. Ma wazenê na babete de çîyê lazim bêrê kerdiş.” DENÎZLÎ

Albuma Nûçeyê