KIRMANCKÎ

Cepheyê Welatî HDPyî pîroz kerd

Dem : 26 Pûşper 2018 Sêşem

Perê weçînayîşê serekkomarî û parlementerî yê Tirkîya û Vakurê Kurdistanî pê ame. Weçînayîşî ra ver Erdogan HDPyî tehdit kerdbî û  vatbî ‘se beno wa bibo, ganî HDP binê barajî de bimano.’ Şarê kurd perê weçînayîşî de cewab da nê vatişanê Erdoganî û HDP barajê weçînayîşî derbaz kerd.

Pêroyê Kurdistan û cayê ke tede kurdî cuyenî de serkewtişê Partîya Demokratîke ya Şaran (HDP) ame pîrozkerdiş. Cepheyê Welatî vera dagirkerîye de derheqê netîceyê weçînayîşê Tirkîya de îzehetêk nuştekî vila kerd.

Lazimî bi prosesê aştî esta

Îzeheto nuştekî de wina ame vatiş: “Serkewtişê HDPyî pêroyê şarê kurd, hetê demokratîk, welatê Tirkîya û Rojhelato Mîyanênî rê pîroz bo. Ma omid kenî ke seba heqê meşru yê şarê kurd û sewbîna şaran prosesêko newe dest pê bikero. Weçînayîşê 24ê Hezîrane seba Vakurê Kurdistanî rojek muhîm bî. Ma seba talebkerdişê aştî û demokrasîye veng danî. Ma wazenî ke Tirkîya de seba aştî û demokrasîye prosesêk newe dest pê bikero.”

Dewamê îzehetî de wina ame vatiş: “Ganî Tirkîya rayirê aştîye biweçîna û şer biqedîna. Tarîx nîşan dano ke bi şer tu problemêk çareser nêbîyo û eksê ci hîna kûre bîyo. Ganî dewleta tirkî leşkeranê xo nêanca Herêma Kurdistanî û herra Başûrê Kurdistanî ra bivejîya. Ma aşkera dîyar kenî ke piştîya ma HDPyî de yo. Ma bi hawayo fermî mesajê xo yê pîrozkerdişî erşawit HDPyî yê Hewlêrî. Ma heme parlementeranê HDPyî û xebatakaran pîroz kenî.”

Endamê Çepheyê Welatî Hêrîş Berzencîyî zî qisey kerd û wina va: “Ma do çarçeweya reaksîyon nîşandayîş û vetişê leşkeranê tirkî yê herra Iraqî û Herêma Kurdistanî de şêrî Bexda û pêvînayîşan bikerî.” ANQARA

Albuma Nûçeyê