KIRMANCKÎ

Bîyayîşê HDPyî ra dima azadî ame

Dem : 05 Pûşper 2018 Sêşem

Xebatê weçînayîşê 24ê Hezîrane bêmabên dewam kenê û namzedê nasnameyê cîya-cîyayî yê HDPyî bale ancenê. Nê kesan ra yewe zî Cansu Îrem Kalendera ke herêma yewin ya Stenbolî de sey namzede ameya nîşanyadîş a.

Babete ser o namzeda Partîya Demokratîke ya Şaran (HDP) Cansu Îrem Kalendere qisey kerde.

Kalendere qala weçînayîş û namzedbîyayîşê xo kerde û wina va: “Seba ke ez biba vengê heme cinî û cîyayêyan, mi xo namzede nîşan daye. Badê ke Selahattîn Demîrtaşî va ‘ganî cinîyê ciwanî bibê namzed’ mi qerarê namzedîye daye. HDPyî de cîyayeyê ziwan, nîjad û nasnameyan çin o. HDPyî de heme cîyayê û rengî seyyewbînan î. Goreyê fehmê HDPyî kurd û tirkî eşkenî pîya bicuyî.”

Kalendere qiseykerdişê xo yê peyênan de zî wina va: “Bîyayîşê HDPyî de azadî esto. Cesaretê mi vera, ez eleqeyêko gird vînena. Seba ke HDP şêro meclisî, ez do xebatan bikera. Ez venge dana heme weçînitoxan ke rayanê xo bidê HDPyî. No semed ra lazimîya ma bi piştdayîşî esta. Rayanê xo bidêne HDPyî. Bîyayîşê HDPyî ra dima azadî ame.” STENBOL

Albuma Nûçeyê