KIRMANCKÎ

Bektaşa 80 serrî 47 rojî ya çalakî de ya

Dem : 14 Îlon 2018 În

Kezban Bektaşe (80), dayîka Sereka Komeleya Kulturê Pîr Sultan Abdalî (PSAKD) ya Sariyerî Zeynep Yildirima 60 serrî ke nika Zindanê Sîlîvrî de ya. Bektaşe seba kênaya xo 47 rojî ya kişta komele de kewta çalakîya roniştişî. Bektaşe her roje saet 13.00î de yena kişta komele û heta 17.00î ronişena.

Bektaşe qiseykerdişê xo de dîyar kerde ke bê sebeb kênaya aye berdî û va: “Saet 02.00î de eştî keyeyê ma ser û kênaya mi berdî. Keyeyê ma ser û bin kerdî. serektîya komeleyêk suc o? Ez bi kênaya xo sere berz a. Eke sucê kênaya mi bibayêne, ez do tîya de nêronişayêne. Elewî heme cayan de yenî pelçiqnayîş. Rayirê ma rayirê 12 îmaman o. Cemxane cayê îbadetê ma yo. Wexto ke weçîyaşîn raste de nêaso, zext û teda bi ma kenî. 30 serrî yo ke ma Kuçukarmutluyî de ronişenî, la rojêk asan ma nêdîyo. Polîsî timî yenî taxa ma. Derdê elewî, kurd, sunî û tirkan yewbînan reyde çin o. Wa fek nê kerdişan ra vera bidî. Heta ke kênaya mi nêra serbestveradayîş, ez do çalakîya xo dewam bikera. Mêrdeyê kênaya mi zî tewqîfkerde yo. Ez seba yewî veng dana heme kesan.” STENBOL

Albuma Nûçeyê