KIRMANCKÎ

Bêhuhûqî bi hetkarî dewam keno

Dem : 09 Sermawez 2018 În

9 teşrîna verêna 2005î de qezaya Şemzînanî ya Colemêrgî de vera Umut Kîtabevî de hêrişêk bombeyî pê ameybî û dewleta xorîxewimîyayîşê hêrişî de kar ser de ameybî zewtkerdiş. Hedîse ra ser 13 serrî derbaz bî, la kerdoxê hêrişê hema zî nêameyî muhakemekerdiş.

Endamê Teşkîlatê Îstixbaratî yê Cendirmeyan (JÎT) Alî Kaya, Ozcan Îldenîz û îtirafkar Veysel Ateşî hêrîşa vera Umut Kîtapevî organîze kerdî. Hêrîş de wayîrê Umut Kîtapevî Seferî Yilmazî bi saxî xelas bî, la hemwelatîyê bi nameyê Mehmet Zahîr Korkmaz merd û Metîn Korkmazî zî bi giranî birîndar bî. Wexto ke ameyî zewtkerdiş înan ser de nasnameyê leşkerî û wesayîtê înan de zî krokî û çek amebî dîyiş.

Kesê ke ameyî zewtkeriş teslîmê cendirmeyan bîbî, la dima ra serbest vera dîyayî. Hedîse ra dima Parlementerê CHPyî Esat Canan cigêrayîş kerd û gule reşanayî ci ser. Wayîrê kîtabewî û hemşaredarê Şemzînanî Seferî Yilmazî ke qayûm tayînê herinda ci amebî kerdiş dîyar kerd ke bêhuhûqî bi hetkarîya Ergenekon û AKPyî dewam keno. Yilmazî da zanayîş ke mehkema do 21ê teşrîna peyêne de pê bêra û seba tewbîyayîşî veng da rayapêroyî. COLEMÊRG

Albuma Nûçeyê