KIRMANCKÎ

Anqara ma ra dûrî nîya

Dem : 10 Pûşper 2018 Yekşem

Namzedê Partîya Demokratîke ya Şaran (HDP) taxê Golyazi, Cîhanbeylî, Beşkavak, Çol, Saraçoglu û Karacadagî de keye bi keye gêrenê û cinîyan reyde yenê têhet. Namzedê HDPyî şarî reyde kombîyayîşan virazenî û qala çareserîya probleman kenî.

Namzeda Konya ya rêza 2. Berna Çelîke dîyar kerde ke HDPyî de xeylê cinîyî estî û cok ra HDPyî de bîya namzede.

Çelîke qiseykerdişê xo de wina va: “Nika xebatê ma yê buroyan estê. Ma hewl danê şarî vejê wareyan. Xeylê kurdê tîya Ewropa de cuyenê. Sebebê şîyayîşê înan yewin şert û mercê ekonomîye ya. Seba karkerdişî camêrdî şinê Ewropa. Vera nê heme baran keweno serê milê cinîyan. Hem hewl danê serê lingan de vinderê û hem zî hewl danê domananê xo miqate biekrî. Cinîyê Konya eleqeyêk pîl nîşanê HDPyî danî. Ma wextê xebatan de coşê cinîyan vînenê. Cinî eşkenê mil bidê yewbînan û bibê hêz, vejyê meydanan.”

Çelîke qiseykerdişê xo yê peyênan de zî daye zanayîş ke ê weçînayîşê 24ê Hezîrane de xeylê bi îdiaya û va ê do bi vindertişê bi rumet herêma Anatolya Mîyanênî ra şêrê parlamento. Çelîke seba wayîrvejîyayîşê ray û sindoqan zî veng daye heme weçînitoxan. KONYA

Albuma Nûçeyê