KIRMANCKÎ

Alîye rayîrê meclîsî de ya

Dem : 31 Avrêl 2018 Pêncşem

Namzedê Partîya Demokratîke ya Şaran (HDP) ya Rihaye ra yewe Alîye Kizildamare ya. Kizildamare bi serran têkoşînê sendîkal yê Egîtîm Senî de ca girewte û eynî wextî de DOKHî reyde xebatan daye meşnayîş. Kizildamara ke weçînayîşê 2014î de bîye namzeda hemşarîdarîya Partîya Herêmê Demokratîkî (DBP), mamosteyî ra îstîfa kerde û beşdarê xebatê sîyasî bîye.

Kizildamare qiseykerdişê xo de wina va: “Goreyê mi HDP cayê çareserî yo. HDP sey problemê xo nêzdîyê problemê şaran beno. Pêşnîyarê çareserî keno. Problem tespît keno û nuktaya çareserî de hewl dano. Mi sey cinîyêke bi taybet no tewr zêde hîs kerd.”

Kizildamara ke 18 serrî mamostayî kerda va ‘na mintiqa de cinî heqê perwerde û weşî ra feyde nêgînê û keyeyî goreyê domanê lajan, tewr tay îmkan danê domanê kêneyan’ û wina dewam kerde: “Ez do babeta têduştîya îmkanî bera meclîs û çareserî bi ca bîyara. Babeta perwerdeyîyê ziwane, heqêko muhîm o. Na babete de bi taybet Riha de problem yenê cuwîyayîş. No wareyê perwerdeyî de zî xo dano dest. Bi taybetî zî heqê weşî de. Warê îstîmlaqkerdişî de seba xizmetê bi ziwanê maye bêro dayîş do waştişê ma zaf xurt bo.”

Cinîyî pêroyê komelî yê

Kizildamare daye zanayîş ke cinîyî nîmeyê komelî yê û eynî wextî de netew ê, cinî pêroyîyê komelî yê. Kizildamare qiseykerdişê xo yê peyênan de bale ante ewnîyayîşê HDPyî yê derheqê cinîyan de û dîyar kerde ke ganî heme cinîyî binê sîwana HDPyî de bêrê têhet. RIHA

Albuma Nûçeyê