KIRMANCKÎ

23 serrî yo aqûbetê birayê xo pers kena

Dem : 27 Avrêl 2018 Yekşem

Aqûbetê Fehmî Tosuno ke bi wesayîtêke sipî yê Renaultî 23 serrî verê cu verê keyeyê ey ra ame girewtiş nîno zanayîş. Babete ser o waya Tosunî, Kiymet Zengîne qisey kerde û wina va: “Birayê mi 1991î de qezaya Licê ya Amedî de amey tepiştiş. Birayê mi embazê xo Huseyîn Aydemîrî pîya keye ra vejîyayî. Eynî roje saete 19.00î de bi wesayîtêke sipî yê Renaultî ey anê verê berî. Domanê ey vînenê ke Fehmî benê baxçeyê awanî. Fehmî ke cinîya xo paca de vîneno qîreno û vano bêrê mi kişenê. Heta cinîya ey yena ey benê. Eynî roje de Hanime şina Qerekole Polîsan ê Avcilarî û plakayê ke girewtê danê qerekole û roja bîn şinê Serdozgerîya DGMî yê Beşîktaşî û waştişname danê. Badê muracatî tehdîd û heqaret destpêkerdî. Cinîya birayê mi seba ke beşdarê Çalakîya Şeme bîye xeylê reyan amey tewqîfkerdiş. 23 serrî yo aqûbetê birayê mi nîno zanayîş.” AMED

Albuma Nûçeyê