KIRMANCKÎ

10 rojan de resa 10 hezarî

Dem : 30 Avrêl 2018 Çarşem

Oy ve Otesî ke seba serê sindoqan de îhlalkerdişê heqan nêrê cuwîyayîş û îradeyê şarî sindoqan de bêro vînayîş ame awankerdiş 2014 ra heta nika serê sindoqan deyê. Oy ve Otesî ke 7ê Hezîrane de bi xeylê zerrîwaşteyan xebatê cidî kerdî nika seba weçînayîşê 24ê Hezîrane dest bi xebatan kerdî. Endama Heyetê Îdarekarî Sevcan Çamlidage derheqê asayîşê weçînayîşan de zanayîş da.

Sevcane dîyar kerde ke mîsyonê înan tewr girîng o yo ke îradeyê şarî sindoqan de vejyo meydan û wina va: “Wexto ke ma ameyî awankerdiş, yewin sazgehê sivîl ê weçînayîşan taqîbkerdiş bi. Ma nika vînenê wayîrvejyayîşê sindoqan zêde bîyo û no zî bi hêvî yo. Ma 1ê Hezîrana 2014 de weçînayîşê mintiqaya yê Yalova, 10ê Tebaxa 2014 yê serekomarî, 7ê hezîrana 2015an, 1ê Teşrîna Peyêne taqîb kerd. Ma nika zî do 24ê Hezîrane taqîb bikerê. Ma hedef kenê ke 81 bajarî de organîzasyonê muşahîdan bikerê. Bi no armancî xebatê ma 81 bajarî de dewam keno. Hûmara zerrîwaştîyanê ma 10 rojan de resa 10 hezarî. Hedefê ma o yo ke ma serê sindoqan de tewr zêde muşahîdan bi ca bikerê. Verê muracatê muşahîdan, muracatê avûkatan zî xeylê baş o.”

Adresê ‘sandik.oyveotesi.org

Sevcane dewam de bale ante serê asayîşê sindoqan û va do Tirkiya de nêzdîyê 190 hezarî sindoqî bêrê awankerdiş û sey platform do hewl bidê ser heme sindoqan de bixebityê. Sevcane tewr peynî de va heme kesî serê adresê ‘sandik.oyveotesi.org’ eşkenê qeydê xo bikerê û bibê zerrîwaşteyî. Heto bîn ra dîyar kerde ke hûmara zerrîwaşteyê cinîya her wext ê camêrdan ra tewr zêde ya. ANQARA

Albuma Nûçeyê